August 21, 2008 11:32:02 PM -نسخة للطباعة |(215) مشاهدة
واقبضي يا حكومة .......
في مسرحية الشخص للأخوين رحباني ...حوارية غنائية جميلة ،
عند بدء مزاد بيع عربة البندورة(العربية ) والطاولة والكرسي وأخيراً الشاويش
؟ ...........
وعند انتهاء كل مزاد يغني الكورس عبارة ( اقبضي يا حكومة ).................
وطبعا الحكومة تقبض كل شيء ..وتقبض على كل شيء؟؟.......شي أكيد.....
وهنا سوف أستعير تلك العبارة مؤقتابكلمةرديفة....لأعود اليها لاحقاّ ......................
في المشتى هذه الأيام زحمة وعجقة...والطرقات مقطوعة بسبب تراكم السيارات
وخاصة عند الكرم ( ليس كرم اللولو أوالعنب) بل مطعم الكرم وصولاًالى ما بعد
بعد الشرفة .....والناس ينتظرون ساعات وساعات ..وهم يلعنون الساعة التي أتوا
فيها الى المشتى ............... اقبضي يا مشتى...
أما الأسعار فاسمع يا رضا (خمس نجوم ) بس نجوم الضهر........ والذي يشتري
بهذه الأسعار .... يلعن الساعة التي اجا فيها ع0 المشتى ....اقبضي يا مشتى....
والمطاعم يا سلام .... جربها مرة .... تبتعد عنها دوماً.. وكل من دخلها أكيد سيغني
مع زياد : أتغير هوانا وسعر كل شغلةغلي ... المشتى اللي حبيتا كنت ... ما عادت إلي
.. ما عادت إلي .................. اقبضي يا مشتى
أما المي فعطول مقطوعة يا أفندي .....يعني لاجلي ولا مسح ولا شطف ولاحمام
ورجعو الناس يملوا من العين......؟؟؟؟؟؟ ويمكن يروحوا يملوا من ملتقى النهرين..
........ اقبضي يا مشتى
أما الكهرباء فيغز العين....ما بتشوفا العين ..واللحمات بالبراد خمّو.. والخضرا كمان
التعن أبو نفسا....ويعني بهالشوابات لا فيك تشعل مروحة ( أصحاب الدخل المحدود)
ولا كوندشن (أصحاب الدخل اللامحدود ).......... اقبضي يا مشتى..
والتوسع العمراني مشالله كل مالو عم بيزيد... يعني المشاكل رح تزيد وتزيد.....
وما منعرف وين رح يروحوا بالصرف الصحي اللي رح يصير مع ها لتوسع نهر
ويمكن متل نهر النيل؟؟!!!!.... والزبالة ... الزبالة ؟؟؟؟ صار بدها معمل ليحولها
لمواد مفيدة وأسمدة.. وطبعاً الحق ما على تجار البناء والسماسرة والمقاولين...؟؟؟
( منشان ما يتحسس وينزعج البعض .).......................... الحق عالحكومة ؟؟؟؟
والحكومة مانا فاضية..... عم تقبض من التجار والمهربين والسماسرة...........
اقبضي يا حكومة...... واكيد عم تقبض على آخر ليرة من جيبة هالمواطن الصالح
ويمكن تقبض على انفاسو........ اقبضي يا حكومة............
مع تحيات أبو الليل
التعليقات المطروحة لا تعبر عن رأي إدارة الموقع و إنما تعبر عن رأي كاتبيها
