July 24, 2008 10:29:35 AM -نسخة للطباعة |(363) مشاهدة
الحقيقه حكاية هالقبو فتقتلنا جروحات القبوي العتيقه ووصلتنا (ع َمختار القبوي ) الّي رغم كل تغيّرات الزمن وعواصف البنايات الجديده وهبّات التجاره الي اكتسحت المشتى من شروشا . بقي هالقبو رغم انف الزمان شامخ معرم ومن دون ما نذكر اسمو اكيد كل مين بيحب المشتى وبيحب سهراتا وبيحب حكاياتا عرف عن أي قبو عم نحكي (قبو الخال بو اسعد)
هادا يا أوادم كنّا قاعدين والدّني على بواب تشارين وهوى شرقي بيقص الألماس . والصوبيا الصيفيه متل العادي مركّبه برّا والبواري منداره لجّوا
المهم قاعدين أنا والخال و(ماهر الشاوي) و(النمس الاصبح) ومتل العادي الخال متربع عالكرسي وبإيدو ( سيكارة الشام الطويلي ) وقدّامو كاسة (القرطباوي ) لأنّو هودي افخم دخان ومشروب عند الخال
بلا طول سيري ( النمس الأصبح ) شرب كاسه وحدي وهادا عيارو لأنّو ضغري بتنحل مفاصلو ... والله راح اسا ما صار بسيفل الدرج الكهربا وبلش الخال بالحكي عالأصبح قللنا يا خال : هادا الأصبح وحياة عيوني مابقا يلفى لهون وازا بيدير وجهو لهون بدي نعمو وحياة عيوني بدّي أمرتو مرت .
حكي الخال مافيه الكفاي تاري ( الأصبح ) واقف عالسطح وما يسمع . والله يا جماعه وفجئا مابتقولو غير زلزال وصار ونزلت آفعة عالمصطبي قدام القبو وكلشي في جدوع سجر وساعة الكهربا وشرايطا . ومورين وجنوطة بسكليتات وتلفزيونات عتيقة وغسّالات وآظانات وكلشي في حراطيق سيقف فيّن المصطبي صارو عَ روصنا .
والساموك فوق راس الخال بالضبط لمن وقع سطرو عاراسو أخد الطاولي مباطحا.
بلّشنا نشيل الأنقاض من فوقنا . قال الخال : أنا من زمان عارف انو هالمورينات تاخيين وبدّن يوقعو قمت انا اتطلعت على كتافو لقيتن مليانين نشارة خشب ناعمي جيت م شيلن التفت الخال لورا ماشفت غير قلي لالالالالالالالالالالالالالا :هادي محاولة أغتيال قلتلو ليش ياخال ؟؟؟
قلي : السلّم ماكان هون شو جابو لهون وكمش التليفون وبدو يتلفن للشرطه بعد ما كمش السماعه .
والاّ مارق ( بو علي ) الي كان قاعد ببيت ( طنّوس اللّطفي) وهوي بالأمن . عيّطلو الخال : دخيلك يا بوعلي : (عجّل محاولة إغتيال ) حاولو يغتالوني . شو هالحكي يا بو أسعد تعا اتفرج معالم الجريمه انا غمزت ( بو علي ) قلّو: يابو اسعد ازا بدك الموضوع ياخد طابع امني نظامي نحنا ما النا علاقه لازم تحكي مع الشرطه قلو بو اسعد : أي(شرطه.....شرطه)والله كمش السماعه وبعد مابرم اول رقمين وهوي مابيعرف لارقم شرطه ولا رقم بيتو رجع سكر السماعه وقلي ياخال :هادا واحد شلح علينا السلّم من فوق أي ياخال :
(أنا عملت تحقيق مع كوهين ومارح اعرف مين الي رماه ) ؟؟؟؟؟؟ شراااااااااااب ياخال شراااااااااااااب
اسااااااااااااااااااااااااا مامنعرف ؟؟؟؟
